“Елімізде орын алған бірнеше сұм жағдайдан кейін (шараналарды біресе дәретханадан, енді бірде қоқыстан тапқан соң), Қазақстанның барша қыздарына үлгі көрсетсем деймін. Қараңыздар, жүкті әйел қандай әдемі әрі бақытты бола алады. Ештеңеге қарамастан, сүюге, бақытты болуға, ашылуға қорықпаңыз!

Бала – өмірдегі ең үлкен бақыт. Тіпті, қазір балалы болатын уақыт емес, қаржылық қиындықтар бар деп есептесеңіз, маған сеніңіз, өмірге сізге қарап тұрған сәбидің көзқарасымен қараған кезде барлық проблемалар жоқ боп кетеді! Егер бала туайын ба, жоқ па деп ойланып отырсаңыз, еш күмәнсіз дүниеге сәби әкеліңіз! Жас қыздарға кеңес бергім келеді: бала – ол өмірде, қызметте, шығармашылықта өсуге деген құлшынысыңды оятады. Жүкті кезде әйелдің басына неше түрлі идея келеді. Мысалы, мен осы 9 айдың ішінде 8 ән жаздырып, жеке үнтаспамды қуана қуана жаздырдым. Солардың бірі “Сен жанымда бол” әні. Ән уақыт, махаббат және үміт жайында. Күндер өтсін, түндер өтсін, ал адамның жанында ең жылы әрі мейірімді естеліктер қалады”, – деп жазды Диана желідегі парақшасында.

Әнші отандық әртістерден қолдау күтетінін мәлімдеді. Ол жүкті келіншектерді екіқабат күйінде түскен суреттерімен бөлісуге шақырды.

Жіберіп алмаңыз:

“Алатау” құрамасы тұңғыш рет футболдан әлем чемпионатының жартылай финалына шықты (видео)

Алматыда актриса Сая Оразғалиеваның үйін тонап кетті (видео)

Джеки Чан Астанада қыз баланың тұсауын кесті (видео)

Мөлдір Әуелбекова: Сахнада 13 жыл жүрсем де, өзгелер сияқты 300 ән жазбаппын

Талқылау